Օգտագործողի Գրանցում և մուտք կայք

Լունո Ստուդիոյի էլ.վաճառասրահից օգտվելու համար պարտադիր է մուտք գործել (login) կայք, որպես գրանցված օգտագործող: Կայք մուտք գործելը պարտադիր չէ այնքան ժամանակ, քանի դեռ չեք պատրաստվում որևէ բան գնել: Սակայն ապրանքները զամբյուղում հավաքելուց և «Պատվիրել» հրամանը սեղմելուց հետո դա պարտադիր պայման է: Այդ պատճառով առաջին անգամ էլ.վաճառասրահից օգտվելիս՝ անհրաժեշտ է գրանցվել կայքում: Գրանցվելու համար կարող եք օգտվել բոլոր էջերում առկա գլխավոր մենյուի աջ մասում հասանելի «Անձնական-Էջ» հղումից:

Կամ բոլոր էջերում առկա, ներքևի էջախորագրի դաշտում գտնվող «Մուտք Անձնական-Էջ» վահանակի «Գրանցվել Մեր Կայքում» սեղմակից:

Բացված նոր պատուհանի «Գրանցվել» բաժնում անհրաժեշտ է անգլերեն տառերով լրացնել՝

• «Էլ-փոստ»-ը, որը օգտագործելու եք մեզ հետ հաղորդակցվելու և մեր ուղարկած նամակները ստանալու համար: Ձեր տրամադրած էլ-փոստի հասցեն օգտագործվելու է նաև Ձեր հաշվի նույնականացման համար: Այնպես որ եղե՛ք ուշադիր էլ-փոստի հասցեն լրացնելիս: Սխալի դեպքում Դուք այդ գրանցումից չեք կարողանա օգտվել:
• «Գաղտնաբառը» որը օգտագործելու եք կայքում Ձեր «Անձնական-Էջ»-ը մուտք գործելու և էլ.վաճառասրահում պատվերներ ձևակերպելու համար: Ձեր տվյալների անվտանգության համար ցանկալի է, որ գաղտաբառը լինի նվազագույնը 6 նիշ:

«Գրանցվել» սեղմակը սեղմելուց առաջ՝ անհրաժեշտ է լրացնել բերված հավասարման պակասող նիշերը (captcha):

Դա կայքի անվտանգության համար է և թույլ է տալիս տարբերակել, որ դաշտերը լրացվում են մարդու կողմից և ոչ համակարգչային կոդի:

Ավարտելուց հետո սեղմե՛ք «Գրանցվել» սեղմակը:

Բարեհաջող գրանցվելուց հետո Դուք տեղեկացվում եք, որ գրանցումը կատարվել է և անհրաժեշտ է սպասել մինչև կայքի ադմինիստրատորը էլ-փոստով տեղեկացնի Ձեր օգտագործողի անձնական հաշվի հաստատման մասին:

Նույն հաղորդագրությունը Դուք նաև ստանում եք Ձեր նշած էլ-փոստի հասցեին:

Ձեր անձնական հաշվի հաստատումից հետո՝ ստանում եք հետևյալ նամակը

Դրանից հետո Դուք կարող եք մուտք գործել մեր կայքում Ձեզ համար բացված «Անձնական-Էջ»-ը, որը առաջին մուտքի ժամանակ ունի հետևյալ տեսքը:

Մեր Էլ.Վաճառասրահում Ձեր պատվերների ձևակերպումը հեշտացնելու համար, Դուք կարող եք անձնական էջում լրացնել Ձեր «Վճարողի Հասցեն» և «Առաքման հասցեն»: Այդ հասցեները Դուք հետագայում կօգտագործեք Մեր Էլ.Վաճառասրահում՝ Ձեր բոլոր պատվերները ձևակերպելիս: Մուտք գործելուց հետո կարող եք ցանկացած ժամանակ այցելել Ձեր Անձնական էջ և ավելացնել կամ փոփոխել Ձեր կոնտակտային տվյալները և գաղտնաբառը:

Տվյալները լրացնելիս խնդրում ենք ուշադիր լինել, քանզի մուտքագրված տվյալների անճշտության կամ թերի լինելու դեպքում, հաշիվը և տվյալները կարող են հեռացվել առանց նախազգուշացման:

Եթե Դուք մոռացել եք Ձեր գաղտնաբառը, ապա ցանկացած պահի, ընտրելով «Մոռացե՞լ եք գաղտնաբառը» հղումը, կարող եք ստեղծել նոր գաղտնաբառ՝ հիմնվելով Ձեր նախկինում գրանցած էլ-փոստի վրա:

Եթե այդ էլ-փոստը այլևս հասանելի չէ Ձեզ համար, ապա նոր գաղտանբառի ստեղծումը կլինի անհնար:

2. Գրանցվել Ֆոտոսեսիայի համար

Գրանցվել ֆոտոսեսիայի Դուք կարող եք՝ բացելով կայքի «Գրանցվել Ֆոտոսեսիայի համար» էջը: Ֆոտոսեսիա պատվիրելու համար կայքում գրանցվելը պարտադիր չէ: Ֆոտոսեսիայի գրանցման էջը հասանելի է կայքի բոլոր էջերում առկա գլխավոր մենյուից:

Կամ Գլխավոր էջ-ում գտնվող Գլխավոր ցուցավահանակների վրա առկա «Գրանցվել Ֆոտոսեսիայի համար» սեղմակի միջոցով:

• 2.1. Ֆոտոսեսիայի գրանցման ձևը

• 2.2. Ֆոտոսեսիայի գնի հաշվիչ

2.1 Ֆոտոսեսիայի գրանցման ձևը

Ֆոտոսեսիայի գրանցվելու համար անհրաժեշտ է լրացնել բերված գրանցման ձևը:

Գրանցման ձևում առկա դաշտերը լրացվում են հետևյալ հաջորդականությամբ.

1. Վայրը դաշտում ընտրվում է ֆոտոսեսիայի անցկացման վայրը: Այս պահին միակ հասանելի տարբերակն է «Լունո Ստուդիո»:
2. Ֆոտոսեսիայի ծավալը դաշտում ընտրվում է նախընտրելի ֆոտոսեսիայի ծավալը: Այս պահին հասանելի են հետևյալ ֆոտոսեսիաները.

3. Ֆոտոսեսիայի տեսակը դաշտում ընտրվում է պատվիրվող ֆոտոսեսիայի տեսակը: Այս պահին հասանելի են հետևյալ տիպի ֆոտոսեսիաներ.

4. Օրը դաշտում տրված օրացույցից ընտրվում է պատվիրվող ֆոտոսեսիայի օրը: Միայն ընտրված ծավալի և տեսակի ֆոտոսեսիաների համար ընդունելի օրերն են հասանելի ընտրության համար: Ֆոտոսեսիայի ամրագրման հաստատման հավանականությունը ավելի բարձրացնելու համար, անհրաժեշտ է գրանցման պահից մինչև նախընտրած հասանելի ֆոտոսեսիայի օրը առկա լինի առնվազն երեք աշխատանքային օր:
   
5. Ժամը դաշտում բերվում է ընտրված օրվա համար հասանելի այն ժամերի ցանկը, երբ ընտրված ծավալի և տեսակի ֆոտոսեսիաների կատարումը հասանելի է:
   

   Հասանելի ժամերի ցանկը ցուցադրվում է միայն բոլոր նախորդող դաշտերը լրացնելուց հետո: Եթե ընտրված օրը ընտրված ծավալի և տեսակի ֆոտոսեսիաների կատարման համար ժամեր հասանելի չեն, ապա «Ժամը» դաշտում Դուք ստանում եք «Ընտրված օրվա ազատ ժամերը բավարար չեն տվյալ ծառայության համար» հաղորդագրությունը:

   
6. Նշումներ դաշտում Դուք կարող եք թողնել մեզ ուղղված ցանկացած հաղորդագրություն Ձեր պատվերի մանրամասների վերաբերյալ:
   
7. Հաջորդող դաշտերում լրացվում են Ձեզ հետ կապնվելու տվյալները՝ Անուն, Ազգանուն, էլ-փոստ և Հեռախոս:
   

Խնդրում ենք լինել ուշադիր այս դաշտերը լրացնելիս, քանի որ դրանց ճշտությունից է կախված Ձեր հարցման բարեհաջող ընթացքը:

«Գրանցել» սեղմակը սեղմելուց առաջ խնդրում ենք ևս մեկ անգամ ստուգել բոլոր լրացված դաշտերի ճշտությունը և լրացնել Ձեր գործունակությունը ստուգող պարզ մաթեմատիկական հավասարման պակասող նիշերը:

«Գրանցել» սեղմակը սեղմելուց հետո համակարգը պետք է բացի նոր ձև, որը պետք է պարունակի հաղորդագրություն Ձեր գրանցման բարեհաջող ավարտի վերաբերյալ:



Սխալների առկայության դեպքում բացված ձևում կարմիրով կնշվեն կատարված սխալները:



Միայն սխալները ուղղելուց հետո Դուք կարող եք կատարել «Գրանցում»: Դժվարությունների դեպքում ստուդիայի աշխատաժամերի ընթացքում, կարող եք կապնվել մեզ հետ և մենք կօգնենք Ձեզ կատարել գրանցում ֆոտոսեսիայի համար:

---

Բովանդակություն
 

---

2.2 Ֆոտոսեսիայի գնի հաշվիչ

Գրանցվելուց առաջ խորհուրդ է տրվում ծանոթանալ առաջարկվող ծառայությունների գներին՝ օգտվելով Ֆոտոսեսիայի Գնի Հաշվիչ-ից:

Ֆոտոսեսիայի Գնի Հաշվիչ-ից օգտվելու համար անհրաժեշտ է ընտրել Ձեզ հետաքրքրող ծառայության տարբերակները և հաշվիչը կկատարի ֆոտոսեսիայի գնի մոտավոր հաշվարկ: Առկա ֆոտոսեսիաների և կատարված լուսանկարների մատուցման ձևերի ամբողջական նկարագրությունը հասանելի է հետևյալ հղումով՝ Լունո Ֆոտո Ծառայություններ: Ձեր ընտրած տարբերակներին համապատասխան, հաշվիչի «Ընտրված տարբերակների արժեքը» դաշտը կներկայացնի ստացված ընդհանուր արժեքը:

Կայքում գործող Էլ.Վաճառասրահը հասանելի է կայքի բոլոր էջերից, գլխավոր մենյուի միջոցով:

Ինչպես նաև կայքի բոլոր էջերի ներքևի էջաբաժնում գտնվող սյունակում ցուցադրված են Էլ.Վաճառասրահի ամենագնվող առաջարկները:

• 3.1. Ծառայության կամ ապրանքի ընտրություն

• 3.2. Ձեր Զամբյուղը

• 3.3. Պատվերի Ձևակերպում

• 3.4. Վճարում

• 3.5. Պատվերի կարգավիճակը և պատմությունը

• 3.6. Պատվերի համար անհրաժեշտ ֆայլերի վերբեռնեում

3.1. Ծառայության կամ ապրանքի ընտրություն

Էլ.Վաճառասրահում առաջարկները դասավորված են ըստ կատեգորիաների: Մտնելով Էլ.Վաճառասրահ՝ Դուք տեսնում եք առկա կատեգորիաները:

Համապատասխան կատեգորիան ընտրելուց հետո բացվում է այդ կատեգորիայի մեջ ներառված տեսականին:

Ձեզ հետաքրքրող առաջարկի ընտրության դեպքում բացվում է նոր պատուհան՝ այդ առաջարկի նկարներով և մանրամասն նկարագրությամբ:

Առաջարկվող ծառայության էջից Դուք կարող եք ընտրել ձեզ հետաքրքրող պատվերի բնութագրերը և քանակը:

Բնութագրերը և քանակը ընտրելուց հետո Դուք կարող եք տեղադրել այն Ձեր «Զամբյուղ»-ի մեջ:

3.2. Ձեր Զամբյուղը

Եթե արդեն գտել եք Ձեր նախընտրած առաջարկը, այն պատվիրելու համար պետք է նախ ընտրել պատվերի բնութագրերն ու քանակը և հավելել այն Ձեր «Զամբյուղ»-ին: Դրա համար սեղմում եք ապրանքի էջի աջ կողմում գտնվող «Դնել Զամբյուղը» սեղմակը: Սեղմակը սեղմելուց հետո բացվում է Ձեր «Զամբյուղ»-ի պարունակությունը և ցուցադրում, որ ընտրված առաջարկը բարեհաջող ավելացվել է նախատեսվող պատվերների ցանկին:

Դրանից հետո, սեղմելով «Վաճառասրահ» սեղմակը, կարող եք շարունակել Ձեր գնումները և զամբյուղում ավելացնել նորանոր պատվերներ:

Կամ, եթե բոլոր անհրաժեշտ պատվերները արդեն Զամբյուղում են, անցնել պատվերի ձևակերպման բաժին՝ սեղմելով «Ձևակերպել Պատվերը» սեղմակը:

Պատվերը «Զամբյուղ» դնելուց հետո, եթե մտափոխվել եք, ապա Դուք հեշտությամբ կարող եք փոփոխել տվյալ ապրանքի/ծառայության պատվիրվող թվաքանակը «+» և «-» նշանների օգնությամբ, ինչպես նաև ջնջել այդ ապրանքը «Զամբյուղ»-ից՝ սեղմելով ապրանքի ձախ մասում գտնվող «խաչուկ» սեղմակը:

Կայքում գտնվելիս ցանկացած պահի Դուք կարող եք տեսնել Ձեր զամբուղի պարունակությունը ընտրելով Գլխավոր Մենյուի «Անձնական-Էջ»«Զամբյուղ» բաժինը և կայքը կբացի Ձեր «Զամբյուղ»-ի էջը բոլոր մանրամասներով:

3.3. Պատվերի Ձևակերպում

«Պատվիրել» կամ «Ձևակերպել Պատվերը» սեղմակը սեղմելուց հետո, եթե Դուք դեռ մուտք չեք գործել կայք, կբացվի մուտքի էջը, որտեղից պետք է մուտք գործեք (login)` գրելով Ձեր օգտագործողի անունը և գաղտնաբառը: Իսկ եթե արդեն մուտք եք գործել, ապա կհայտնվեք պատվերի ձևակերպման էջում:

Եթե Դուք դեռ գրանցված չեք կայքում, ապա կարող եք դա անել՝ սեղմելով «Գրանցվել Մեր Կայքում» սեղմակը:

Մուտք գործելուց հետո կհայտնվեք պատվերի ձևակերպման էջում:

Այստեղ պետք է նշել այն հասցեն, ուր կատարվելու է առաքումը, անհրաժեշտ հեռախոսահամարները, ինչպես նաև այն օրը և ժամը, երբ ցանկանում եք ստանալ պատվերը: Եթե Դուք նախօրոք կայքում առկա Ձեր անձնական էջում լրացրել էք Ձեր տվյալները և հասցեները, ապա այս էջը արդեն բացվում է լրացված Ձեր տվյալներով և Ձեզ մնում է միայն փոփոխություններ կատարել, եթե տվյալ պատվերի համար այդպիսի անհրաժեշտություն կա:

Եթե Դուք նվեր եք գնում կամ ցանկանում եք, որ պատվերը առաքվի ոչ Ձեր (այսինքն վճարողի) հասցեյով, ապա անհրաժեշտ է ակտիվացնել «Առաքել այլ հասցեյով» սեղմակը, որից հետո Դուք կկարողանաք պատվերի համար նշել երկու հասցե «Վճարման» և «Առաքման»:

Այս էջում է գտնվում «Նշումներ» դաշտը, որտեղ Դուք կարող եք լրացնել Ձեր պատվերին առնչվող հատուկ տեղեկություններ, որոնք կարևոր են Ձեզ համար այս պատվերը ստանալիս, օրինակ Նվեր-քարտ ստացողի անուն ազգանունը:

Պատվերի ձևակերպման վերջում անհրաժեշտ է ընտրել առաքման տարբերակները:

Ինչպես նաև վճարման տարբերակները:

Պատվերը տեղադրելուց առաջ անհրաժեշտ է կարդալ, եթե արդեն չեք կարդացել, և հաստատել «Ես կարդացել եմ և ընդունում եմ կայքի օգտագործման պայմանները և կարգը» հավաստագրող սեղմակը, հակառակ դեպքում կայքը չի ընդունի պատվերի գործարկումը:

Պատվերի ձևակերպումը ավարտվում է՝ սեղմելով «Տեղադրել պատվերը» սեղմակը:

Ավարտելուց առաջ, խորհուրդ է տրվում ևս մեկ անգամ ստուգել պատվերի բոլոր մանրամասների ճշտությունը և հետո միայն սեղմել «Տեղադրել պատվերը» սեղմակը:

Հաջորդ քայլում պատվերի գործարկմանը ընթացք տալու համար, անհրաժեշտ է ընտրված վճարման տարբերակով կատարել պատվերի գնի վճարում:

Վճարման համակարգում բարեհաջող վճարում կատարելուց հետո Ձեր էկրանին բացվում է պատվերի էջը Ձեր վճարման էլեկտրոնային անդորրագրով:

3.4. Վճարում

Կայքում պատվերի համար վճարումն իրականացվում է մի քանի եղանակով:

• Առցանց վճարում Arca, Master և Visa քարտերի միջոցով: Մեր կայքում առցանց վճարումներն իրականացվում են Ամերիաբանկի ինտերնետ-էքվայրինգի vPOS վճարման համակարգի միջոցով, որը թույլ է տալիս կատարել առցանց վճարումներ Arca, Master և Visa քարտերով: Եթե ցանկանում եք վճարումը իրականացնել առցանց այդպիսի քարտերով, ապա ընտրեք այս տարբերակը: Այս տարբերակն ընտրելուց և պատվերը հաստատելուց հետո կհայտնվեք տվյալ վճարային համակարգի էջում, որտեղ, վճարային համակարգի հրահանգները կատարելով և Ձեր քարտի տվյալները մուտքագրելով, կկարողանաք կատարել վճարումը: Ուշադրություն՝ քարտային տվյալները մուտքագրվում են միայն վճարային համակարգի բարձր անվտանգություն ապահովող էջում և հասանելի չեն lunostudio.com կայքի աշխատակազմին:
• Բանկային փոխանցում: Այս տարբերակն ընտրելուց հետո տեսնում եք մեր հաշվի համարը, որին հարկավոր է փոխանցել պահանջվող գումարը:

Պատվերը չեղյալ կհամարվի, եթե պատվերի գրանցումից հետո 3 աշխատանքային օրվա ընթացքում վճարումը չի կատարվել:

3.5. Պատվերի կարգավիճակը և պատմությունը

Կայքում տեղադրված Ձեր բոլոր պատվերները պահպանվում են Ձեր անձնական Էջում, համապատասխան պատվերի համարով և ամսաթվով:

Պատվերը գործարկման ընթացքում կարող է ունենալ տարբեր կարգավիճակներ: Պատվերի կատարման ընթացքը Դուք կարող եք վերահսկել կարգավիճակներին հետևելով: Պատվերը տեղադրման պահին ստանում է «սպասում է վճարման» կարգավիճակը: Պատվերի վճարումը կատարելուց հետո՝ «կատարվում է» կարգավիճակը: Պատվերի կատարման ավարտից հետո, պատվերը մտնում է հանձնման կամ առաքման փուլ, որի ժամանակ ստանում է «հանձնվում է» կարգավիճակը: Ավարտված և հանձնված պատվերը ստանում է «ավարտված է» կարգավիճակ: Չեղարկված պատվերները ստանում են «չեղարկվել է» կարգավիճակ: Այն չեղարկված պատվերները, որոնց գումարը փոխհատուցվել է, ստանում են «փոխհատուցվել է» կարգավիճակ: Պատվերի կարգավիճակի ամեն մի փոփոխության մասին Դուք տեղյակ եք պահվում էլ-փոստի միջոցով:

Ամեն մի պատվերի մանրամասները տեսնելու համար անհրաժեշտ է սեղմել, համապատասխան պատվերի աջ մասում գտնվող, «Դիտել» սեղմակը, որից հետո բացվում է այդ պատվերի մանրամասների էջը:

Եթե պատվերը նախատեսում է կատարման համար անհրաժեշտ ֆայլերի վերբեռնում, ապա «կատարվում է» կարգավիճակի ժամանակ պատվերի մանրամասների էջից հասանելի է դառնում, պատվերի համար անհրաժեշտ, ֆայլերի վերբեռնման բաժինը:

3.6. Պատվերի համար անհրաժեշտ ֆայլերի վերբեռնեում

Կայքում տրամադրվող որոշ ծառայություններ ենթադրում են Ձեր նկարների և ֆայլերի վերբեռնում՝ հետագա տպագրության կամ այլ պատվիրված ծառայությունների մատուցման նպատակով: Ձեր նկարների և ֆայլերի վերբեռնումը հնարավոր է միայն պատվերի հաստատման, ձևակերպման և ամբողջական վճարումն իրականացնելուց հետո, երբ պատվերը ունի «կատարվում է» կարգավիճակ: Նկարների և ֆայլերի վերբեռնումը իրականացվում է պատվերի մանրամասների էջից:

Խորհուրդ է տրվում վերբեռնելու ենթակա ֆայլերը նախ հավաքել Ձեր համակարգչի մեջ առանձին պանակում(folder), ստուգել նրանց ճշտությունը և որակական հատկանիշների համապատասխանությունը պատվերին: Եթե կատարել եք տարբեր չափերի տպագրության պատվերներ, ապա ամեն չափի համար կարելի է ստեղծել առանձին պանակ (15х20; 21×28 և այլն) և համապատասխան պանակի մեջ տեղադրել այդ չափի տպագրության համար նախատեսված ֆայլերը: Այն ֆայլերի անվան վերջում, որոնց համար Դուք պատվիրելու եք մի քանի տպագիր նմուշ, կարելի է ավելացնել նմուշների քանակը (filename_x2; filename_x5 և այլն): Նմանատիպ մոտեցումը թույլ կտա, մեծ քանակների դեպքում, խուսափել վերբեռնման ժամանակ արվող որոշակի սխալներից: Վերբեռնումից առաջ անհրաժեշտ է նաև ստուգել, որ վերբեռնվող ֆայլերը բավարարեն մեր պահանջներին.

• Նկարները պետք է ունենան հետևյալ ֆորմատներից մեկը՝ JPEG, PNG, TIFF:
• Ստանդարտ գործարկման համար նկարը պետք է ունենա՝ 300 dpi թողունակություն, RGB(sRGB, Adobe RGB) գունային մոդել և 24 բիտ գունային դաշտ: Հիմնականում բոլոր ժամանակակից թվային ֆոտոխցիկները բավարարում են այդ պահանջներին:
• Նկարի կետայնությունը պետք է բավարարի պահանջվող չափի նկարի որակյալ տպագրության համար: Պատշաճ որակի նկար ստանալու համար ամեն չափի համար անհրաժեշտ մինիմալ կետայնությունները բերված են ստանդարտ չափերի աղյուսակում:
• Պատվիրված նկարի կողմերի և վերբեռնվող նկարների կողմերի հարաբերակցության անհամապատասխանության դեպքում մեր համակարգը կատարելու է վերբեռնված նկարների շրջահատում (cropping)՝ պատվիրված չափի տպագիր նկարի կողմերի հարաբերակցության համապատասխան: Դրանից խուսափելու համար ընտրեք Ձեր ֆոտոխցիկին համապատասխան(3:4 կամ 2:3) ֆոտոթղթի կողմերի հարաբերությունը:
• Մեկ նկարի առավելագույն չափը չպետք է գերազանցի 25MB-ը:

Ֆայլերը վերբեռնելու համար անհրաժեշտ է համապատասխան պատվերի տողում ընտրել «Выбрать файлы» կամ, եթե Ձեր բրաուզերը անգլերեն է, ապա «Browse…» սեղմակը

և բացված պատուհանում նավարկել դեպի այն պանակը, որտեղ գտնվում են Ձեր ֆայլերը:

Ընտրելով անհրաժեշտ ֆայլերը՝ Դուք հաստատում եք այդ գործողությունը և էջում ցուցադրվում է Ձեր ընտրած ֆայլերի քանակը:

Սեղմելով «Վերբեռնել» սեղմակը՝ բրաուզերը սկսում է վերբեռնման պրոցեսը: Ձեր բրաուզերի ներքևի ձախ անկյունում կարող եք տեսնել, թե ինչպես է ընթանում վերբեռնման պրոցեսը:

Վերբեռնման ավարտից հետո էջում բացվում է բարեհաջող վերբեռնված ֆայլերի ցանկը:

Բարեհաջող վերբեռնված ֆայլերի ցանկում ամեն մի ֆայլի անվան առջև գտնվում է այդ ֆայլի տպագիր նմուշների դաշտը, որը սկզբնական վիճակում ունի «1» արժեք: Եթե տվյալ նկարի համար անհրաժեշտ է մեկից ավել նմուշ, ապա այս դաշտում լրացնում եք Ձեզ անհրաժեշտ նմուշների քանակը և սեղմում «Պահպանել Նմուշների Քանակը» սեղմակը:

Միաժամանակ կարելի է վերբեռնել մինչև 50 ֆայլ: Եթե Ձեր պատվերի քանակը գերազանցում է 50-ը, ապա վերբեռնումը պետք է կատարել մի քանի մասով: Վերբեռնման թույլատրելի ֆայլերի քանակը սահմանափակված է նաև Ձեր պատվիրած տպագիր նմուշների քանակով: Տվյալ չափի տպագրության ենթակա բոլոր ֆայլերի համար նշված տպագիր նմուշների քանակի գումարը չի կարող գերազանցել տվյալ չափի համար պատվիրված քանակից: Օրինակ՝ Դուք պատվիրել եք 15х20 ֆորմատի 10 տպագիր նմուշ, ուրեմն 15х20 ֆորմատի համար կարող եք վերբեռնել առավելագույնը 10 ֆայլ և յուրաքանչյուրի համար նշել մեկական տպագիր նմուշ կամ վերբեռնել նվազագույնը 1 ֆայլ և նրա համար նշել 10 տպագիր նմուշ:

Որոշ առաջարկներ, օրինակ՝ ֆոտոգրքերը կամ ֆոտոբացիկները, ունեն վերբեռնման թույլատրված ֆայլերի սահմանված քանակներ: Ձեր պատվերում նմանատիպ կետերի առկայության դեպքում, կայքը Ձեզ տեղյակ է պահում առավելագույն և նվազագույն վերբեռնման թույլատրելի քանակների մասին:

Նկարագրված ձևով անհրաժեշտ է կատարել ֆայլերի վերբեռնում, պատվերում առկա բոլոր այն կետերի համար, որոնք պահանջում են ֆայլերի վերբեռնում:

Ֆայլերի վերբեռնման ավարտից հետո անհրաժեշտ է ֆայլերի վերբեռնման բաժնի վերևում գտնվող աղյուսակում ստուգել, որ պատվերի բոլոր կետերի համար անհրաժեշտ ֆայլերը վերբեռնվել են և համապատասխան տպագիր քանակները մուտքագրվել են:

Ստուգելուց հետո, երբ բոլոր պատվիրված քանակները վերբեռնվել և լրացվել են, Ձեր պատվերի կատարման գործընթացը սկսելու համար անհրաժեշտ է սեղմել «Հանձնել Տպագրության» սեղմակը: Եթե ինչ որ կետ պակաս եք լրացրել, ապա համակարգը տեղյակ կպահի Ձեզ այդ մասին: Ֆայլերի վերբեռնումից հետո նրանց համար մուտքագրված տպագիր նմուշների ընդհանուր քանակը չի կարող լինել ավելի փոքր, քան պատվիրված տպագիր նմուշների քանակը: Այդ քանակները պետք է համապատասխանեն, եթե այլ կարգադրություն առկա չէ էջում: Քանակների անհամապատասխանության դեպքում համակարգը համարում է, որ անհրաժեշտ ամբողջական տեղեկությունները տրված չեն և չի ընդունում տպագրության հրահանգը

Այդ դեպքում անհրաժեշտ է ուղղել պակասող քանակները և նորից սեղմել «Հանձնել Տպագրության» սեղմակը:

Ձեր պատվերը կհանձնվի տպագրության, եթե բոլոր կետերը մուտքագրված են կատարված պատվերին համապատասխան:

Խնդրում ենք հաշվի առնել, որ Կայքը չի հանդիսանում Ձեր ֆայլերի և նկարների պահպանման շտեմարան: Կայքը չի երաշխավորում Ձեր վերբեռնված ֆայլերի և նկարների անվտանգությունը, և միայն Դուք եք պատասխանատու նրանց կորստի և փչացման համար: Կայքի աշխատակազմից Դուք չեք կարող պահանջել վերբեռնված ֆայլերի վերադարձ: Ձեր պատվերի կատարման ավարտից անմիջապես հետո, պատվերի շրջանակներում Ձեր բոլոր վերբեռնված նկարները և ֆայլերը ավտոմատ հեռացվում են մեր տվյալների բազաներից: Նույն ֆայլերը այլ պատվերների շրջանակներում օգտագործելու համար անհրաժեշտ է լինելու նրանց լրացուցիչ վերբեռնում՝ արդեն նոր պատվերի էջից:

Վերբեռնման ընթացքում ծագած տեխնիկական խնդիրների դեպքում, պատվերը բարեհաջող ավարտելու նպատակով, մենք կարող ենք խնդրել Ձեզ կրկնել վերբեռնման պրոցեսը: